اصعب الكلام ... صرخة بعد صمت طويل

آخر عباراتـي وداع ..وآخـر مشاويـري رحيـل

جيتك وبي لفحـة ضمـا واقفيـت كبـدي ناشفـه

اصعب كلام أصعب خبر صرخه عقب صمت طويل

مثل الهدوء اللي سبـق لحظـة هبـوب العاصفـه

وأنتي بمتنـاول يـدي ... تبديـن مثـل المستحيـل

في عشرتك صوت العقل يقتـل طمـوح العاصفـه

الحب ماهو كـل شـي إليـا وقـف حـظٍ بخيـل

قلوبنـا مثـل العسـل بـس الظـروف مصالـفـه

لاللنـدم ..لاللعتـب .. أوشـي مـن هـذا القبيـل

وانتـي ماجـا منـك خطـا حتـى تقولـي اسفـه

من غير ليه .. استسلمي ..واستلهمـي صبرٍجميـل

ولاتسألينـي وش جـرى مالـك بطـول السالفـه

قولـي لهـم ياعزوتـي ماعابنـا مـوت النخـيـل

اللـي يوافيهـا الأجـل وتمـوت لـكـن واقـفـه

آخـر عباراتـي وداع آخـر مشاويـري رحـيـل

جيتـك وكبـدي ناشفـه واقفيـت كبـدي ناشـفـه