المذيعات السوريات

ليش مذيعاتنا دائما عندون نفس الأسئلة؟؟
ليش كل الشعب حفظان شو هي الأسئلة؟؟


ليش ما بتتغير هالأسئلة؟؟
يعني المذيعة بتروح على شي حديقة أو شي مطرح متجمعين فيه الأولاد الصغار بالعيد .....وبتبلش بالأسئلة الفذة تبعونها ....
اشتريت لبس جديد على العيد حبيبي؟؟؟
يعني شو بتتوقع يقولها؟؟
لأ...ما اشتريت لبس جديد....هادول سرقة من على حبل الغسيل تبع الجيران
ولا ولا بتتوقع يقولها...
أخدت لبس أخي الكبير تبع السنة الماضية ولبستو...؟؟
طيب بركي فعلا كان في ولد هيك وضعو....ليش حتى تسألو و تكسرلو نفسيتو قدام بقية الأولاد
شو بتشتري بالعيد...شوكولاته وأكلات طيبة؟؟
لا والله...على العيد بشتري 10 غرام حشيش...وبنقعد نصطهج فيون أنا ورفقاتي.....وبعدين بنأرجل....
يعني الولد الصغير شو بيحب يشتري وياكل؟؟ مجدرة ولا عدس بحامض؟؟
شو بتعمل بالعيد احكيلنا حبيبي....بتلعب بالمراجيح؟؟
لأ أبدا...ما بقرب صوب المراجيح....بالعيد بروح بلعب مصارعة رومانية...وشوية تايكواندو ....
بتلعب مع أصحابك بالعيد؟؟
أعوذ بالله...شو مع أصحابي...أبدا...بنزل بلعب مع شوفيرية التكاسي والزعران ...
مع مين بتحب تروح بالعيد؟؟ مع ماما ولا بابا؟؟
الله ياخد الـ 2....الـ 2 أسئل من بعضون....مابينطاقو ....
احكيلنا ...وين بتروحو بالعيد إنت ورفقاتك... حبيبي....؟
ما بدها سؤال...على الكباريه...
طيب مذيعاتنا المهمات...ما عم بيلاحظوا كيف الولد عبيتلعثم...وعبيتلبك...وما عبيعرف يحكي...ومالو رايد يحكي....وبلشت تشط ريالتو من العبطة...وما عبيطلع صوتو....وما عبيحكي شي....؟؟؟
وهادا الشي بيتكرر بكل المناسبات مو بس بالعيد
وتحية لكل القائمين على التلفزيون السوري

هههههههههه منقول

هو صح الاسئلة نفسها ما متتغير أنا رايح اقول ليش
لن المشرف على هذه البرامج دائما نئام